Psa 38 | LXX | STEP | Ψαλμὸς τῷ Δαυιδ· εἰς ἀνάμνησιν περὶ σαββάτου. Κύριε, μὴ τῷ θυμῷ σου ἐλέγξῃς με. μηδὲ τῇ ὀργῇ σου παιδεύσῃς με

Psalms 38

1 ^{▼▼LXX: Psa.37:1}Ψαλμὸς τῷ Δαυιδ· εἰς ἀνάμνησιν περὶ σαββάτου. ^{▼▼LXX: Psa.37:2}Κύριε, μὴ τῷ θυμῷ σου ἐλέγξῃς με. μηδὲ τῇ ὀργῇ σου παιδεύσῃς με 2 ^{▼▼LXX: Psa.37:3}ὅτι τὰ βέλη σου· ἐνεπάγησάν μοι, καὶ ἐπεστήρισας ἐπ' ἐμὲ τὴν χεῖρά σου 3 ^{▼▼LXX: Psa.37:4}οὐκ ἔστιν ἴασις ἐν τῇ σαρκί μου. ἀπὸ προσώπου τῆς οργης σου, οὐκ ἔστιν εἰρήνη τοῖς ὀστέοις μου ἀπὸ προσώπου τῶν ἁμαρτιῶν μου 4 ^{▼▼LXX: Psa.37:5}ὅτι αἱ ἀνομίαι μου, ὑπερῆραν τὴν κεφαλήν μου ὡσεὶ φορτίον βαρὺ ἐβαρύνθησαν ἐπ' ἐμέ. 5 ^{▼▼LXX: Psa.37:6}προσώζεσαν καὶ ἐσάπησαν οἱ μώλωπές μου· ἀπὸ προσώπου τῆς ἀφροσύνης μου 6 ^{▼▼LXX: Psa.37:7}ἐταλαιπώρησα καὶ κατεκάμφθην ἕως τέλους, ὅλην τὴν ἡμέραν σκυθρωπάζων ἐπορευόμην. 7 ^{▼▼LXX: Psa.37:8}ὅτι αἱ ψύαι μου· ἐπλήσθησαν ἐμπαιγμῶν, καὶ οὐκ ἔστιν ἴασις ἐν τῇ σαρκί μου 8 ^{▼▼LXX: Psa.37:9}ἐκακώθην καὶ ἐταπεινώθην ἕως σφόδρα, ὠρυόμην ἀπὸ στεναγμοῦ τῆς καρδίας μου. 9 ^{▼▼LXX: Psa.37:10}κύριε, ἐναντίον σοῦ πᾶσα ἡ ἐπιθυμία μου, καὶ ὁ στεναγμός μου ἀπὸ σου οὐκ ἐκρύβη. 10 ^{▼▼LXX: Psa.37:11}ἡ καρδία μου, ἐταράχθη, ἐγκατέλιπέν με ἡ ἰσχύς μου καὶ τὸ φῶς τῶν ὀφθαλμῶν μου καὶ αὐτὸ οὐκ ἔστιν μετ' ἐμοῦ. 11 ^{▼▼LXX: Psa.37:12}οἱ φίλοι μου καὶ οἱ πλησίον μου ἐξ ἐναντίας μου ἤγγισαν καὶ ἔστησαν, καὶ οἱ ἔγγιστά μου ἀπὸ μακρόθεν ἔστησαν· 12 ^{▼▼LXX: Psa.37:13}καὶ ἐξεβιάσαντο οἱ ζητοῦντες τὴν ψυχήν μου, καὶ οἱ ζητοῦντες τὰ κακά μοι ἐλάλησαν ματαιότητας καὶ δολιότητας ὅλην τὴν ἡμέραν ἐμελέτησαν. 13 ^{▼▼LXX: Psa.37:14}ἐγὼ δὲ ὡσεὶ κωφὸς οὐκ ἤκουον καὶ ὡσεὶ ἄλαλος οὐκ ἀνοίγων τὸ στόμα αὐτοῦ 14 ^{▼▼LXX: Psa.37:15}καὶ ἐγενόμην ὡσεὶ ἄνθρωπος οὐκ ἀκούων καὶ οὐκ ἔχων ἐν τῷ στόματι αὐτοῦ ἐλεγμούς. 15 ^{▼▼LXX: Psa.37:16}ὅτι ἐπὶ σοί, κύριε, ἤλπισα· σὺ εἰσακούσῃ, κύριε ὁ θεός μου. 16 ^{▼▼LXX: Psa.37:17}ὅτι εἶπα Μήποτε ἐπιχαρῶσίν μοι οἱ ἐχθροί μου· καὶ ἐν τῷ σαλευθῆναι πόδας μου ἐπ' ἐμὲ ἐμεγαλορρημόνησαν. 17 ^{▼▼LXX: Psa.37:18}ὅτι ἐγὼ εἰς μάστιγας ἕτοιμος, καὶ ἡ ἀλγηδών μου ἐνώπιόν μου διὰ παντός. 18 ^{▼▼LXX: Psa.37:19}ὅτι τὴν ἀνομίαν μου. ἐγὼ ἀναγγελῶ καὶ μεριμνήσω ὑπὲρ τῆς ἁμαρτίας μου 19 ^{▼▼LXX: Psa.37:20}οἱ δὲ ἐχθροί μου ζῶσιν καὶ κεκραταίωνται ὑπὲρ ἐμέ, καὶ ἐπληθύνθησαν οἱ μισοῦντές με ἀδίκως· 20 ^{▼▼LXX: Psa.37:21}οἱ ἀνταποδιδόντες κακὰ ἀντὶ ἀγαθῶν ἐνδιέβαλλόν με, ἐπεὶ κατεδίωκον δικαιοσύνην, [καὶ ἀπέρριψάν με τὸν ἀγαπητὸν ὡσεὶ νεκρὸν ἐβδελυγμένον.] 21 ^{▼▼LXX: Psa.37:22}μὴ ἐγκαταλίπῃς με, κύριε· ὁ θεός μου, μὴ ἀποστῇς ἀπ' ἐμοῦ· 22 ^{▼▼LXX: Psa.37:23}πρόσχες εἰς τὴν βοήθειάν μου, κύριε τῆς σωτηρίας μου.